Dåarjoeh dov eejhtegeråållesne

Datne eejhtege jallh jeatjah geerve almetje mij eejhtegeråållam åtnah maanese jallh maanide 0-17 jaepieh? Datne sïjhth raerieh jallh dåarjoeh dov eejhtegeråållesne?

Eejhteginie datne vihkeles dov maanese jallh maanide dej evtiedimmine jïh healsoen åvteste. Eejhteginie datne dovne aavodh jïh båaserh, jïh muvhtene bïevnesh jallh raerieh daarpesjh eejhtegeråållesne. Gaajhkh eejhtegh maehtieh dåarjoem åadtjodh gosse maanah 0 jïh 17 jaepiej gaskem.

Datne eejhteginie dov maanam bööremes damth. Men læjhkan maahta hijven årrodh daejredh gusnie datne maahtah dåarjoem åadtjodh, jis daarpesjh.

Dåarjoe eejhtegevoetesne maahtah årrodh raeriem jïh bïhkedimmiem åadtjodh ovmessie gyhtjelassi bïjre. Maahta vuesiehtimmien gaavhtan årrodh

  • gaertjiedidh
  • maana jïh gaskeviermie
  • jïjtse maanese gaerhtedh
  • relasjovne mubpie eejhtegasse jallh mubpieh geerve almetjidie
  • beapmoeh jïh healsoe
  • skuvlerutijnh
  • dågkah, alkohovle jïh drovgh
  • eejehtsdarjomh

Dïhte maahta aaj årrodh jeatjah eejhtegh råakedh jïh åssjelh jïh dååjresh juekedh maanaj bijjiedimmien jïh eejhtegeråållan bïjre.

Gaajhkesh mij eejhtegeråållam maanese åtna maahta dåarjoem åadtjodh. Vuesiehtimmie:

  • eejhtegh
  • bonuse-eejhtegh
  • almetje lïhke fuelhkesne
  • fuelhkiehïejme-eejhtegh
  • gaskesadtemealmetje
  • jeatjah lïhke geerve almetje

Maahtah daejtie dåarjojde åadtjodh

Eejhtegevoetekuvsje åejvine

Datne eejhteginie mubpieh eejhtegh gaavnesjh dåehkesne naan aejkien, åejvie ektesne. Dijjieh dååjrehtimmieh jïh maahtoem sinsitnine målsodh.

Gaskesadth mijjiem

Gïehteldimmie: Förälder Östersund
E-påasteadresse: foralder@ostersund.se

Was this information helpful?
Sidan uppdaterad 2019-11-18